Patrick Scheibli

„17. Letschti Froog, Hand uff’s Härz: wäm wurdsch du die Frooge am liebschte zem beantworte gäh?

Sabine Horvath: Einem Berufsbasler im Exil: Patrick Scheibli, Präsident des Swiss Club in unserer Partnerstadt Shanghai.“

 

Und do hämmr dr Salaat. D’Bâlaari sinn no nie z’China gsi, kenne dr Patrick nit persöönlig, mr hänn nie gschwätzt mit em, niemer wo mir kenne kennt dr Patrick (ussr d’Sabine)… mr schryybe also zem erschte mol e Rahmeteggschtli für e groosse Unbikannte.

 

Es isch spannend, öbberem rein virtuell noche z’go (und glaubet ys eins, s’chineesische Internet isch e chli speziell). Das alles hämmr könne eruiere:

 

  • Vo 715’710 Uslandschwyzr (EDA, Stand Jännr 2013), vo dene öbbe 3'500 z’China, isch dr Patrick genau eine.
  • Är isch Board Member of the Swiss Chinese Chamber of Commerce Shanghai und dr Presidänt vom Swiss Club Schanghai (e Verein wo me muess liebe will dr Patrick seit: „Seit der Wiedergründung 1997 ist bis jetzt jeder Präsident aus Basel gekommen“)
  • Är isch 1968 uff d’Wält kho, z’Bottmige uffgwaggse, und syt 1992 schafft är z’Aasie (Thailand, Vietnam, Indonesie, China)
  • Scho syni Grosseltere hänn z’Schanghai gläbt
  • Sy Büro isch an im 33. Stogg an dr Lu Jia Zui Dong Road z’Shanghai, zmitts im Pudong Viertel - phenomenaali Sicht uff d’Skyline!
  • Syni Interässe sinn d’Familie, Reise, d’Premier League, Rugby und är isch e riisige FCB-Fan
  • Syt mr Hand uffs Härz mache, isch dr Patrick dr einzig (!) wo nochegfrogt hett wenn sy Bydraag uffgschalte wird und ob mr no öbbis bruuche.

 

Voilà! Mr froie-n-ys sehr, dr Patrick und sy Familie emol ganz real und nit virtuell ammene Apéro begriesse z’dörfe und saage

 

谢谢您的件。

 

 

 

1. Was isch dy ydriggligschti Fasnachtserinnerig?

 Das muess 1975 gsi si, am Suundig vorme Morgestraich hani mi erscht FCB match allei im Joggeli gseh.

 

2. Was ka dy an dr Fasnacht närve?

Die uswaertige wo d’Fasnacht mitem Fasching verwaegsle

 

3. Welli drey Wörtr falle dir zem Begriff „Waggis“ spontan ii?

 Elsaeser, grossi Nase und Raeppli

 

4. Sell d’Waggis-Naaselengi vom Fasnachts-Comité reguliert wärde? (falls jo, uff wie lang maximal?)

 Nai mir hend scho gnueg Sache wo reguliert sind.

 

5. Basel ohni Fasnacht isch wie …. ?

 Fuessball ohni Ball

 

6. Was bringt di so richtig uff’d Palme?

 Gwalltverbraeche gegeiber vo Kinder

 

7. … und ibr was kasch dy eso richtig froie?

 Wenn ich weiss dass es minere Familie guet goht.

 

8. E liebs Familiemitgliid schänggt dir zem Geburtsdaag e FCZ-Saisonabo – was machsch?

Das Mitglied hani laider nonig kenne glernt…

 

9. Wenn Ziiri ‚Downtown Switzerland’ isch, no isch Basel… ?

 In the heart of Europe

 

10. Was isch fir di dr scheenschti Ort z’Basel?

D’Altstadt und s’Glaibasler Rhyufer.

 

11. Was wurdsch an Basel - odr an dr Schwiz - sofort ändere?

Weniger Gsetz / Bestimmige und sofortige uffhebig vom Rauchverbot

 

12. Mit wellem Mensch (ob lebändig odr nit) wottsch du gärn emol znacht ässe?

Sir Geoff Hurst

 

13. ... und was wurdsch du die Person ganz sicher frooge?

Wie das wirklig gsi isch 1966 im Wembley mit daem 3 Goal

 

14. Was isch fir di dr Maximallohn wo-n-e Mensch pro Johr derft verdiene, egal wo und wievyyl är/sie schafft?

No comment

 

15. Was nimmsch mit uff e-n-ainsami Insle?

 I-pad, ae Solar Ufladegraet und ae chischte Ueli Bier.

 

16. Wär odr was bringt di sofort zem lache?

Harry Enfield, ae Komiker us Aengland und natuerlig wenn ich mini Kinder gseh.

 

17. Letschti Froog, Hand uff’s Härz: wäm wurdsch du die Frooge am liebschte zem beantworte gäh?

Em Emil

 

 

und jetz kunnt dr Hammr:

Genau 2 (!) Minute nochdäm mr dä Bydraag uffgschalte hänn, dr Patrick hetten noni gseh kha!, erreicht ys us Schanghai folgendi Email - mit Föteli!!:

 

"Sali Daeni

 

Isch das foeteli besser?

 

No ae par aagoobe zu mir. Ich bi 1968 im Bethesda spital uf d’waellt koo und in bottmige uffgwachse, nach de handelsschuel in muenchestai hani ich bi de firma goth spedition a de elisabethe stroos ae stiffti als kaufmaa gmacht. 1992 hets mi denne nach Vietnam verschlaage und iber Thailand, Indonesie bin ich in Shanghai glandet. Ich bi aber immer no aeng mit Basel verbunde, ich schaff fier d’Fracht AG, ae Basler unternaehme und bi au sehr mit de Staedtepartnerschaft Shanghai – Basel angagiert. FCB isch natuerlig mini grossi liebi und ich verfolgen wenn immer moeglig am faernseh oder ibers internet.

 

Liebi Griessli

 

Patrick"