E laue Summroobe uffem firnähme Bruederholz, hinterem Wassrturm, wo sich Fuggs und Haas ‚Guet Nacht’ saage, dert …
… isch dr gross Bâlaa-B-Q 2013 fasch vo dr Martha und ihre Fraue vo dr Wassrgymnastigg vrsänggt woorde (e Dopplbeleegig als Super-Gau, „jöö, Däni, y ha jo ganz vrgässe…“) …
… simmr ganz kurzfrischtig widr im Pflanzrstüübli gsi - sag niemols nie, drfiir merci vyylmol! …
… hett die gueti Martha drnoo einewääg e guets Dutzend vom Bâlaa-B-Q fasch wie Hänsel und Gretel mit Kaffee und Kuchen in ihr Gärtli gloggt …
… hänn sich Angola und Moçambique droffe …
… hetts Limoncello per il popolo gäh …
… hett sich dr Santino zem zweite mol an eim Daag hintere Grill gstellt …
… hett sich dr Däni S. als azzurro presentiert…
… hett me gfühlti zwey Dutzend italiänische Dialäggt ghöört …
… isch e Grillblausch spontaan umfunggtioniert woorde zuemene Geburtstaagfschtli für d Mina, nostra regina del Bläsiring – tanti auguri!
Also esovyyl italianità hämmr bi de Bâlaari no nie kha...
Hejodrnoo; grazie e ci vediamo,
eyri/vostri Bâlaari