Bâlaari-Specials

Jedes Joor mache mr e Special - uff dr Bâlaarisyyte (2010, 2011) odr au mol ganz real (syt 2012).

 

2010: Bâlaari goes Sydafrika

Als erschts hättemer do "Bâlaari goes Sydafrika", Impressioone us Sydafrika mit der Schwizer Nati, mit Foti und Zygs und Sache, wo eych während dr WM immr widr en anderi und lycht subversivi Sicht uff das Turnier glieferet hett.

S'letscht Uffgebot hett au nit brocht, dr Bâlaari mit dr Nummere 22 1/2 hett kai Minute gschuttet an dr WM. Drfyr hett är vyyl derfe erlääbe vo dr WM und Sydafrika, und natyrligg vyyli scheeni Erinnerige an d'Läbensfraid vo de Afrikaaner (kennte alli Waggis syy).

S Bâlaari-Speziaal 2010 bestoht ussem WM Album, de gsammlete Interviews mit em Nati-Trainer, Gratulatioon an e Tintefisch etc. 

 

 

_______

 

2011: Wär selle Waggis wähle?

Bundeshuus mit Waggis und andere
Bundeshuus mit Waggis und andere

 

 

 

 

Au Waggis hänn bolytischi Interässe. 2011 sinn grossi Nationaal- und Ständerootswahle; mir hänn alli Ständerööt/-enne und Nationaalrööt/-enne beider Basel e Froogebooge gschiggt und ihri Waggisdaugliggkait uff Härz und Niere brieft. 12 Bolytiggr uss allne Parteye hänn dä Guggus mitgmacht und ussekho isch e schregs, farbigs, glatts Duurenandr vo bolytische Ibrzygige, e Buhle um Wärbrstimme, kurligi Ideee, Kalauer und Schnitzelbängg (und au zwai drey wo uns Waggis rächt duur dr Gaggo zooge hänn...).

Dr gross Waggiswahlkampftschegg isch s''Bâlaari-Speziaal 2011 gsi.

 

____

 

2012: en Oobe mit em Bernhard Heusler

s''Bâlaari-Speziaal 2012 isch fir aimol nit virtuell drhärkho - es hett e Gaschtvordraag mit em Bernhard Heusler gäh: "Fussballclubs im Spannungsfeld von Emotionen, Spiel und Geld", e spannendi Bligg hintr d Kulisse vom FC Basel. En Oobe wo so schnäll niemer vrgässe hett! Und en Apero im Schööne Huus, wo mr sythär mänggs Glatts uff d Bai gstellt hänn.

 

dr Bernhard als Bâlaari Member und zwey neui Lyybli!
dr Bernhard als Bâlaari Member und zwey neui Lyybli!

 

______

 

2013: Gaischtr in dr Basler Altstadt und e tombola all'italiana

Gaischtr in dr Basler Altstadt - e Fiehrig mit em mjps
Gaischtr in dr Basler Altstadt - e Fiehrig mit em mjps


... und au 2013 hämmr ys öbbis speziells lo yfalle: Innere dunggle Novämbrnacht simmr zämme uff d Gass und es isch gschuudrig worde - e Fiehrig mit Quiz zem Thema "Gaischtr in dr Basler Altstadt". Drvoor hets e GuerillApero im Bebbi Dräff uff dr Lyss gä, und drnoo e gediigene Fondueplausch mitere tombola all'italiana im Schööne Huus.  

 

----

 

2014: Ab in Untrgrund - Alphornkonzärt unter em Seibi

Zem V. simmr ab in Untrgrund und hänn e Alphornkonzärt undr em Seibi organisiert - und drnoo im Schööne Huus, unser zwaitr Heimet, Schnitzelbängglr in absolutr Hochform derfe gniesse, wo d Balaari abr au eso richtig duur e Gaggo zooge hänn, musikalisch untrmolt vo göttlig singende Forälle.

 

 

----

 

2015: Occüpez le parc!

Im Summr 2015 hämmr en "Occüpez le parc" Sponti-Aggtioon gmacht. Mr hänn dr Margarethepark in Bsitz gno, e Grill uffbaut, e Spiilnomidaag für die ganzi Familie organisiert, und am Ooobe hämmr vrsuecht, en Untrhalitgsprogramm uff d Bai z stelle. Dieses het ganz ordentlig klappt, sälles isch brutal in d Hoose...  und will s so scheen gsi isch anne 2011 hämmr nomol e grosse 

Waggis-Wahlkampftschegg 15

duuregfiehrt. Widr hänn 12 vo 14 amtierende Nationaal- und Ständeröötene mitgmacht - und jetz wüsse mr, was en EU-Bytritt für Waggis wurd bedütte, ob me syni Wahlvrspräche au muess halte - und wär die liebe Daame und Herre im Bundeshuus scho lang emol hänn wölle stopfe!


---


2016: "En Oobe mit Almi und Salvi"

Almi+Salvi hänn im Oggtobr Stiggli usem Fasnachtskiechli ur-ufgfiehrt - e riise-Ehr (und vyyli Dräänli, will do isch kei Aug drochbliibe)

 

 

----

 

 

2017: wird noni vrroote, abr ...

im Novämbr göhmr widr ins Schööne Huus - nadürligg hämmer do au scho e Ideeli odr zwai...