Bâlaarimobil 1.0 und 2.0

s’Bâlaarimobil 1.0 (Fasnacht 2010, noch em grosse Rääge am Rhyy)
s’Bâlaarimobil 1.0 (Fasnacht 2010, noch em grosse Rääge am Rhyy)

Dr Däni hett e baar Talänt, abr baue und schryynere, nai Si! 2010 als Ainzelmasgge hett är e usrangierts Zytigswäägeli bruucht (Sujet ‚Kameel Aleikum’), s’Bâlaarimobil 1.0 isch als Föttelialbum vo de abendyrlige Raise in d’Wyeschti vom Monsieur Bü- Bü- Bü- Bündnerfleisch dekoriert worde. Das hett sich totaal bewährt, wo abr dr Beni widr ygstiige-n-isch isch es z’glai woorde und nach numme aim Johr isch d’Zyt ryff gsi für e Update: s’Bâlaarimobil 2.0.

Dr Beni als Schryynr und Kuchibauer hett alli Regischtr zooge: e dopplete Boode, abschliessbar, mit Batterie und Liechtrketti, Yyskaschte, Sauna und Schwümmbad (OK, OK....) - und dopplet sovyyl Blatz. Das ganze vrstaut jetz nit numme s’ganze Materiaal, au d’Laarve und zwei Stiehl – und fir dr Apéro wird’s ersch no als beliechteti Bar umfunggtioniert.

Baut worde isch das Wundrding im ibrige am 24. Jännr 2011, in dr Nacht vo dr lengschte Mondfinschtrnis syt Menschegedängge. Me sait s’Bâlaarimobil haig maagischi Grefft...


dr Beni am Wärggle vom Bâlaarimobil 2.0
dr Beni am Wärggle vom Bâlaarimobil 2.0

 

(und s’Bâlaarimobil 1.0 gitt’s im Fall au no: es wird fir d’Kindrfasnacht bruucht. Es hett jetz e Dach und kunnt als klaine Waggiswaage drhär, sehr zer Fraid vo dr Chiara und dr Sarah – dasch d’Dochter vom legendääre Laarve-Kuttle! - wo mit Frinde zämme als Hoosepfupf-Rueche uff dr Pischte sinn, die nägschti Generatioon quaasi!).

 

 

Hosepfupfrueche: d'Chiara (Waggis) und dr Matteo (als Schoof uffemene Waggiswaage????)
Hosepfupfrueche: d'Chiara (Waggis) und dr Matteo (als Schoof uffemene Waggiswaage????)
.... und grad nomol e Hosepfupfruech: d'Sarah
.... und grad nomol e Hosepfupfruech: d'Sarah